තමනට හිතවත් කුමරකුට හෝ කුමරියකට උඩරට අල්ලා භාරදීමට පෘතුගීසීන් තැත් කල යුගය දන්තුරේ සටනින් අවසාන විය.
ඊළඟ යුගයේදී දක්නට ලබෙන්නේ පෘතුගීසි කිරුළට උඩරට කෙලින්ම ඈඳා ගැනීමට දැරූ ප්‍රයත්න කිහිපයකි.
අනියම් පාලනය පිළිබඳ අදහස ඉවත්කර දමා උඩරට පෘතුගීසි විජිතයක තත්වයට ගෙන ඒමට ඔවුන් අදහස් කලේ ඇයි?
දහසයවන සියවසේ අවසාන දශකය තුල පහත රට ප්‍රදේශ තුල වූ වෙනස්කම් කිහිපය මේ කෙරෙහි බලපෑ ප්‍රධාන සාධකය යැයිසිතිය හැකියි.
1594 වර්ෂයේ මැද හරිය වන විට සීතාවක හා කෝට්ටේ රාජ්‍යය දෙකම පාලනය වූයේ පෘතුගීසීන් යටතේය.
1597 ධර්මපාලගේ මරණයෙන් කෝට්ටේ රාජ්‍යයේ නීත්‍යානුකූල උරුමය ද ඔවුන්ට පැවරුණි.
මේ නිසා 1590දී කොළඹ කොටුවට හිරවී රාජසිංහගෙන් බැට කමින් කොයි මොහොතේදී ගෝවේ සිට අධර එත්දයි මුහුද දෙස ඇස් හයා බලා සිටි පෘතුගීසීහු 1598 වන විට ලංකාවේ ඉතා සශ්‍රික ප්‍රදේශයක නීත්‍යානුකූල පාලකයන් බවට පත්වූහ.
පහතරට මෙසේ කෙලින්ම පෘතුගීසි පාලනය යටතේ තිබූ හෙයින් උඩරට පමණක් අනියම් පාලනයක් ඇති කිරීමට තැත් කිරීම අර්ථ විරහිතය.
එයද පෘතුගීසි කිරුළට ඈඳා ගැනීම වඩා තර්කානුකූල විය.
පෘතුගීසීන් හා ලංකාව (1597-1658)
කොළඹ ලංකා විශ්ව විද්‍යාලයේ කථිකාචාර්ය
ටිකිරි බණ්ඩා හේරත් අබයසිංහ
- ශ්‍රී නාත්.
No comments:
Post a Comment